CABINET APPOINTS LEASOILOAFALEUPOLU RONNIE SIAOSI AIOLUPOTEA TO HEAD THE MINISTRY OF COMMUNICATIONS AND INFORMATION TECHNOLOGY [M.C.I.T.].

[GOV’T. PRESS SECRETARIAT]: On December 24, 2025, the Prime Minister, Hon. La’aulialemalietoa Leuatea Polāta’ivao Fosi Schmidt, announced the appointment of Mr Leasoiloafaleupolu Ronnie Siaosi Aiolupotea as the new Chief Executive Officer for the Ministry of Communications and Information Technology [M.C.I.T.].

He has over 20 years of experience in various government and private sector roles.

He currently serves as Deputy Chief Executive Officer for the Ministry of Communications and Information Technology since May 4, 2022.

He graduated from the University of the South Pacific with a Bachelor of Arts in Management and Computer Science in 2000, a Master of Information Technology from the University of Newcastle in 2017, and a Certificate IV in Project Management in 2019.

The appointment is for three years.

** END **

TOFIA LEASOILOAFALEUPOLU RONNIE SIAOSI AIOLUPOTEA E LE KAPENETA E AVEA MA OFISA SILI O PULEGA O LE MATĀGALUEGA O FESO’OTĀ’IGA MA FA’AMATALAGA TEKONOLOSI [M.C.I.T.]

[SO’O’UPU A LE MĀLŌ]: Ua fa’alauiloa e le afioga i le Palemia, Susuga i le La’aulialemalietoa Leuatea Polāta’ivao Fosi Schmidt i le feiloā’iga ma Tusitala i le Aso Lulu, 24 Tesema 2025, le tofia aloā’ia ai e le Kapeneta, o le afioga iā Leasoiloafaleupolu Ronnie Siaosi Aiolupotea ma Ofisa Sili o Pulega mo le Matāgaluega o Feso’otā’iga ma Fa’amatalaga Tekonolosi [M.C.I.T.].

Ua silia i le 20 tausaga o lana tautua i galuega ‘ese’ese i le Mālō aemaise Pisinisi Tumā’oti i le atunu’u.

O ia o le Sui Ofisa Sili o Pulega mo le Matāgaluega o Feso’otā’iga ma Fa’amatalaga Tekonolosi talu mai le Aso 4 Me i le tausaga 2022.

O lo’o ia umia Fa’ailoga Tauāloa o le Tikerī o Fa’atufugaga [Bachelor of Arts – Management and Computer Science] mai le Iunivesite o le Pasefika i Saute i le tausaga 2000, o le Matuaofaiva i Feso’otā’iga Tau Tekonolosi [Master in Information Technology] mai le Iunivesite o Newcastle i le 2017, fa’atasi ai ma le Tusipasi IV i le Puleaina o Polōketi [Certificate IV Project Management] mai le Iunivesite o le Pasefika i Saute i le tausaga 2019.

E tolu tausaga o lea tofiga.

** MAE’A **